اكتشف روسيا

بدأت المغامرة يوم ١٣/٢/٢٠١٤

رحلة الوصول  :D

ابتدت الرحلة أني رحت المطار متأخر آوي بس عديت ونزلت الاراضي الروسية مطار DME العاصمة موسكو وكان المفروض اروح بعدها علي ارخانجليسك ٧٠٠ كم عن موسكو و مفيش أتجاه طيران من DME ل ارخانجليسك كان المفروض أني اركب قطر لموسكو و بعد كده أحجز تذكرة ل ارخانجليسك وبعدين اركب المترو واروح المحطة اللي اركب منها طبعا أنا مكنتش اعرف اي حاجة من دي و الروس أصلا مفيش حد فيهم بيعرف يتكلم انجليش أصلا حتي ف المطار طلع عين أهلي لحد ما وصلت المحطة لا وطلع ايه بقي ان القطر ميعاده ٨ am وانا كنت ف المحطة ١٠ pm يعني ١٠ ساعات علي القطر قولت أستني مجتش علي ١٠ ساعات وبعدها هتبقي لوز ببص ف التذكرة لقيت مكتوب رقمين ٨ و ٦ و أنا عارف ان الذهاب ٨ قولت يبقي ٦ دي الوصول ينهار ازرق ١٠ ساعات قطر واكتئبت بقي بس قولت أتأكد و excuse me بقي و كده مفيش لحد ملقيت بنت حلال كدة بقول excuse me ضحكت قوم أنا ضحكت بقي قالتلي yes ضحكت أكتر بقي وانا بكلمها وهموت اصلها كانت التجسيد الحقيقي بكلمة بنت واحنا معن ناش من الحاجات دي كتير المهم بوريها التذكرة ضحكت اووووي وقالت لي ان قدامي ١٠ ساعات علي القطر و مدته ٢٠ ساعة يعني هوصل ٦ الصبح تاني يوم المهم أنا متأكد ان البت دي سمعت ما يكفي من الإباحة بالعربي ما يكفيها لكتير قدام المهم ان اسمها جوليت وفضلت قاعد مستني لحد ما وصلت ارخانجليسك و استقبلتني الbuddy بتاعتي ووصلت الhostel :D